चि.रा.नि कसरा पोष्टमा नयाँ सार्वजनिक शौचालय निर्माण सुरु

नारायणगढ माडी ठोरी हुलाकी सडक अन्तरगत चितवन राष्ट्रिय निकुञ्जको प्रवेश विन्दुका रुपमा रहेको कसरा पोष्टमा नयाँ सार्वजनिक शौचालय निर्माण सुरु भएको छ ।

नारायणगढस्थित चितवन ग्रिन लायन्स क्लबको सहयोगमा कसरा पोष्टमा शौचालय निर्माण सुरु भएको हो । करीब १० लाखको लागतमा निर्माण हुन लागेको सो संरचनाको निकुञ्जका प्रमुख संरक्षण अधिकृत नारायण रुपाखेती र लायन्स क्लब इन्टरनेशन ३३२ बि टु का सेकेण्ड भि.पी. रामप्रसाद भट्टले संयुक्त रुपमा शिलान्यास गर्नुभयो । ३ महिना अवधीमा निर्माण कार्य सक्ने योजना रहेको लायन श्रीप्रसाद दवाडीले जानकारी दिनुभयो ।

भरतपुर हुँदै माडी आउने र माडीबाट भरतपुर हुँदै बाहिरिने यात्रीहरु कसरामा रोकिने वा विश्राम गर्ने गर्छन् । कसरामा सेनाले निर्माण गरेको चालु अवस्थाको एक सार्वजनिक शौचालय रहेपनि त्यो अपर्याप्त रहँदै आएको छ । शौचालयका अभावमा यात्रुहरु खुला ठाउँ बारेर बनाइएको अस्थायी ठाउँमा पुग्नुपर्ने बाध्यतामा रहने गरेका छन् ।

यसमा तपाइको अभिमत

सम्बन्धित शीर्षकहरु