मृगौला पीडित गुरुङ्गको सहयोगार्थ रकम अाइतबार पीडित परिवारलाई हस्तान्तरण

चितवन समाज इजरायलको विशेष पहलमा माडी जगन्नाथपुरीका मृगौला पीडित सुरेस वहादुर गुरुङ्गको लागि संकलन भएको सहयोग रकम आज अाइतबार एक कार्यक्रमका बिच पीडित परिवारलाई हस्तान्तरण गरिएको छ । चितवन युवा समुह अन्तर्राष्ट्रिय समन्वय समिति, नेपालको आयोजनामा माडी नगरपालिकाको सभाहलमा एक संक्षिप्त कार्यक्रमबिच सो सहयोग रकम पीडितको परिवारलाई हस्तान्तरण गरिएको हो ।

अन्तर्राष्ट्रिय समन्वय समितिका अध्यक्ष मुक्ति प्रसाद अधिकारीको अध्यक्षतामा सम्पन्न सो कार्यक्रमको प्रमुख अतिथि माडी नगरपालिकाका नगरप्रमुख ठाकुर प्रसाद ढकाल रहनुभएको थियो । दुई बर्ष अघिदेखि दुईवटै मृगौला बिग्रिएर थला पर्नुभएका शुरेस बहादुर गुरुङको सहयोगार्थ चितवन समाज इजरायलले २ लाख ४७ हजार १०० रुपैंया, लेट्स डु बेटर देन अदर्सका अभियन्ताहरुले १ लाख ९२ हजार ५३२, माडी ग्रुप जापानबाट ६२ हजार ३७५ र अष्ट्रेलियाका सामाजिक अभियन्ताहरुबाट संकलित रु ५३ हजार गरी कुल ५ लाख ५५ हजार ७ रुपैंया हस्तान्तरण गरिएको हो ।

यसमा तपाइको अभिमत

सम्बन्धित शीर्षकहरु