चितवन राष्ट्रिय निकुञ्जमा बाघको बहन गर्न सक्ने क्षमता (क्यारिङ क्यापासिटी) बारे अध्ययन थालियाे

दुर्लभ वन्यजन्तु पाटेबाघको संख्या बढेर मानव तथा बन्यजन्तुबिच द्वन्द बढेको परिस्थितिमा चितवन राष्ट्रिय निकुञ्जमा बाघको बहन गर्न सक्ने क्षमता अर्थात क्यारिङ क्यापासिटीबारे अध्ययन थालिएको छ । चितवन राष्ट्रिय निकुञ्जमा कुन वन्यजन्तुको कति बहन गर्न सक्ने क्षमता छ भनेर अहिलेसम्म अध्ययन भएको छैन । यस निकुञ्ज करीब ९५३ वर्ग किलोमिटरमा फैलिएको छ भने मध्यवर्ती क्षेत्र करीब ७२९ वर्ग किमीमा फैलिएको छ । निकुञ्ज बाघ, गैँंडा, हात्ती, भालु, गौरीगाई, चितुवा, जरायो, चित्तललगायत ठूला जनावरको समेत महत्वपूर्ण बासस्थान हो ।

चितवनका निकुञ्जकर्मीले भने बासस्थान नाश हुँदै गएकाले वन्यजन्तु बस्तीमा आउने, सामुदायिक वनमा वासस्थान बनाउने र अर्को क्षेत्रमा सर्ने गरेको जिकिर गर्दै आएका छन् । तर हरेक पटक बस्तीमा बाघले जनधनको क्षती गर्दा बाघको संख्या बढेका कारण बढेको संख्याको अनुपातमा निकुञ्जको बाघ बहन क्षमता कम भएको बहस हुँदै आएको छ । स्वदेश एफ.एम.ले निकुञ्जका सरोकारवालाहरुसंग बहस गरी पटक पटक निकुञ्जको भारबहन क्षमताबारे प्रश्न उठाउँदै आएको थियो ।

बाघ बहन क्षमताकाे अध्ययन कार्यदलमा अन्तरराष्ट्रिय विज्ञका रुपमा जुलोजिकल सोसाइटी अफ लण्डनका राज अमिन र भारतका वन्यजन्तुविज्ञ अभिषेक तथा नेपालका तर्फबाट राष्ट्रिय निकुञ्ज तथा वन्यजन्तु संरक्षण विभागका उपमहानिर्देशक गोपालप्रसाद भट्टराई र इकोलोजिष्ट लक्ष्मण पौडेल, विश्व वन्यजन्तु कोषका डा. कञ्चन थापा, राष्ट्रिय प्रकृति संरक्षण कोषका डा. नरेश सुवेदी, अर्का विज्ञ डा. भगवानराज दाहाल तथा वन तथा भूसंरक्षण मन्त्रालय र वन विभागका उपसचिवसहितको टोली सहभागी छन् ।

यसमा तपाइको अभिमत

सम्बन्धित शीर्षकहरु