माडीमा स्थानीय विपद् जोखिम व्यवस्थापन लगायत योजना निर्माणको नगरस्तरीय समिति गठन

माडी नगरस्तरीय विपद व्यवस्थापन समितिको बैठकबाट स्थानीय विपद् जोखिम व्यवस्थापन तथा जलवायु अनुकुलन योजना निर्माणको नगरस्तरीय समिति गठन गरिएको छ । नवगठित समितिले माडीमा सरसफाइ कार्यलाई व्यवस्थापन गर्नका लागि माडीका ९ वटै वडाहरुमा रहेका टोलसुधार समितिहरुलाई सक्रिय बनाई टोलसुधार समितिहरु अद्यावधिक गर्ने निर्णय समेत गरेको छ । त्यसैगरी माडीका ९ वटै वडाहरुमा विपद् व्यवस्थापन समिति गठन गर्ने र विपद व्यवस्थापन कोष सञ्चालन कार्यविधि २०७५ को विधान मस्यौदा गरी कार्यपालिकासमक्ष निर्णयार्थ पठाउने समेत निर्णय गरिएको समितिका सदस्य सचिव सन्तोष सुवेदीले स्वदेश एफ.एम.लाई जानकारी दिनुभयो ।

बैठकमा विपद जोखिम व्यवस्थापनको क्षेत्रमा क्रियाशील नेपाल ग्रामिण पुनर्निर्माण संस्था (आर.आर.एन.) का परियोजना संयोजक रबिन्द्र सिंह ठकुरीले जारी आर्थिक वर्षमा उहाँ सम्बद्ध संस्थाले गरेका कामहरुबारे जानकारी गराउनुभएको थियो । माडीका नगरप्रमुख ठाकुरप्रसाद ढकालको अध्यक्षतामा सम्पन्न सो बैठकमा माडीका वडाध्यक्षहरु, सुरक्षा निकाय, स्थानीय गैरसरकारी संस्था, राजनैतिक दल, उद्योग वाणिज्य संघ लगायतका निकायहरुको उपस्थिति रहेको थियो ।

यसमा तपाइको अभिमत

सम्बन्धित शीर्षकहरु